විදුහල්පති පණිවිඩය

දකුණුලක මාතර දිස්ත්‍රික්කයේ අකුරැස්ස ප්‍රාදේශිය ලේකම් බල ප්‍රදේශයේ සුන්දර හේනෙගම නම් ගම් පියසේ ගාල්ල - අකුරැස්ස මහාමාර්ගය අසල කුඩා කදු ගැටයක පිහිටි හේනෙගම කනිෂ්ඨ විද්‍යාලය වසර 103 ක් අඛණ්ඩ පැවැත්මක් ඇති පාසලකි. මෙපමණ වයස්ගත වුවද ලොවට විවර වීමට අවස්ථාව නොලද මෙම පාසල පිළිබද තොරතුරු විශ්වයට මුදා හැරීම සදහා මාගේ සේවා කාලය තුල හැකි වීම මාගේ භාඝ්‍යක් කොට සලකමි. මෙම අන්තර්ජාල පහසුකම හරහා පාසල පිළිබදව මෙතෙක් පාසලෙන් බිහිවූ සියලු දෙනාට අතීතය හා වර්ථමානය පිළිබද දැනගැනීමට ලැබීම, විදු මවුගේ පහස ලැබූ සැමට මානසික සහනයක් බව මා දනී. මාර/හේනෙගම විදු මවට ආදරය කරනා ලොවසිටින සියලු දෙනාටම පාසලේ තොරතුරු දැනගෙන අනාගත දියුණුවට කටයුතු කිරීමට ද අවස්ථාව ලැබීමකි. මෙම පාසල ලොවට විවර කරන අවස්තාවේ ඒ වෙනුවෙන් සටහනක් තැබීමට ලැබීම භාග්‍යක්කොට සලකන අතර වසර ඒකසිය තුනක් අඛණ්ඩව පවත්වාගෙන ඒ ම සදහා කැපවූ විදුහල්පති වරුන් ගුරුවරුන් අනධ්‍යන කාර්ය මණ්ඩලය, පාසලේ දියුණුවට සහයදුන් සැම හා දෙමව්පියන් මෙන්ම පාසලේ පැවැත්ම සදහා පාසලෙන් ඉගෙනුම ලැබූ සියලු දෙනාම ගෞරවයෙන් මතක් කරමි. මාර/හේනෙගම කනිෂ්ඨ විද්‍යාලය දියුණුවෙන් දියුණුවට පත්ව තවත් චිරාග කාලයක් පැවතීමට ලැබීම මාගේ සුභ පැතුම් සටහන ලෙස තබමි

විදුහල්පති,

  ඒම්. ඩබ්ලිව්. තිලක් ශාන්ත